കർണ്ണൻ
ചിലർ അങ്ങനയാണ്- തോൽവിയുടെ കൂട്ടുകാർ. വിജയം അർഹിച്ചവരെങ്കിലും തോറ്റുപോയവർ. മഹാഭാരതത്തെ ഒരു വെറും കഥയായി മാത്രം കാണാതിരിക്കാൻ എന്നെ പ്രേരിപ്പിച്ചത് ഒരേ ഒരാളാണ്- കർണ്ണൻ. ഗുണത്തിലും നൈപുണ്യത്തിലും ഏവരെക്കാൾ മുൻപൻ; പക്ഷേ ഫലത്തിൽ......
ഞാൻ കർണ്ണനെ സ്നേഹിക്കുന്നു ഒരുപാടൊരുപാട്. അതൊരു കഥാപാത്രമല്ല, ഭൂമിയിലെ ചില ജന്മങ്ങളുടെ ആത്മാവിഷ്കാരമാണ്. അത് മനസ്സിലാക്കാൻ കഴിയാത്തത് കൊണ്ടായിരിക്കാം കർണ്ണശാപത്തിന്റെ കെട്ടുകഥ പറഞ്ഞു ബോധ്യപ്പെടുത്താൻ ശ്രമിച്ചത്. പക്ഷേ, കർണ്ണശാപമേന്തുന്ന കർണ്ണജന്മങ്ങൾക്കു മനസ്സിലാകാൻ കെട്ടുകഥയുടെ പിൻബലം ആവശ്യമില്ല.
യുദ്ധഭൂമിയിൽ ആവനാഴി നിറയെ അസ്ത്രങ്ങൾ ഉണ്ടായിട്ടും ഉപയോഗിക്കാനാവാതെ, നിസ്സഹായനായി, ആത്മനിന്ദയുടെ കുരുക്കിൽ തലയറ്റു വീഴുമ്പോഴും കാഴ്ചകാർ പറയും- "കർണ്ണൻ, ഒരു ഇതിഹാസം".
