സത്യവും കള്ളവും വകഞ്ഞുമാറ്റാനുള്ള
വിവേചനത എന്നാണു എനിക്കിനി ഉണ്ടായീടുക?
ദൈവത്തില്‍ വിശ്വാസമുണ്ടെങ്കില്‍- ദൈവത്തെ മാത്രമേ
വിശ്വസിക്കാവൂ എന്ന സത്യം എന്നാണിനിയും ബോധ്യമാവുക?
ചിരിച്ചടുക്കുന്നവരെല്ലാം സുഹൃത്തുക്കള്‍ ആണെന്ന
മിഥ്യാബോധത്തെ എന്നാണെനിയ്ക്കു വര്‍ജ്ജിക്കാനാവുക?
നെല്ലും പതിരും എന്നെനിയ്ക്കിനി വേര്‍തിരിക്കാനാവും?
മനസ്സിലുള്ളതെല്ലാം തുറന്നു പറയരുതെന്ന -
പഠിച്ചിട്ടും പഠിക്കാത്ത പാഠം
എന്നാണു ഇനിയെന്‍ മനസ്സില്‍ മായാതെ കോറുക?
ലോകമേ ക്ഷമിക്കുക , നിന്നെ മനസ്സിലാക്കാന്‍
എന്നാണു എനിക്കിനിയാകുക ?
No comments:
Post a Comment