ഇരട്ടകൾ

ഇഷ്ടവും അനിഷ്ടവും ഇരട്ടകളായിരുന്നു 

സഹജാതരെങ്കിലും സമജാതരല്ല 

ഇഷ്ടമനിഷ്ടമായും അനിഷ്ടമിഷ്ടമായും 

പലരും തെറ്റുദ്ധരിച്ചു 

ഇഷ്ടത്തിനനിഷ്ടത്തെ വെറുപ്പായിരുന്നു 

അനിഷ്ടത്തിനിഷ്ടത്തോട് സ്നേഹവും 

മുതിർന്നപ്പോൾ ഇഷ്ടം ഇടത്തോട്ടും 

അനിഷ്ടം വലത്തോട്ടും നടന്നകന്നു.

ഞാനും നീയും

ഞാൻ ഞാനാണ്‌ ;

നീ വെറും നീ മാത്രം.

നീ ഞാനല്ലാത്തതിനാലും

ഞാൻ ഞാനായതുകൊണ്ടും

നിന്നെയെനിക്കിഷ്ടമേ അല്ല .